高中中文課程開始要讀《出師表》，大家都應該好熟，講到對先帝托孤之恩，要率師北伐曹魏，以報答對先帝之情懷，聽上去真係好感動。而Alvin今日想講講讀《出師表》的另一面。

有好多時我地讀歷史，會理所當然覺得古人係好就係好，好多時會以道德價值觀黎討論一件事，例如諸葛亮一定係忠，係好人，曹操一定係衰，一定係壞人咁諗問題，但咁樣諗法，好多時會有一D思考既盲點。所以今日講《出師表》，不論對錯，只問現象，講講諸葛亮同劉禪之間既關係。

劉備死，劉禪繼位，按《三國志》﹕「政事無巨細咸決於亮。」，即是說國家的大小事無均決於諸葛亮，只得拜祭禮儀事務係由劉禪管理，其實劉禪心入面一D都唔好受，雖然冇咩具體既例子，但係依一樣野可以從《出師表》中可以睇到……

按《出師表》﹕「誠宜開張聖聽，以光先帝遺德 ，恢弘志士之氣 ﹔不宜妄自菲薄，引喻失義，以塞忠諫之路也。」，即係叫陛下應該廣泛地聽取群臣既意見，唔好引喻失義塞忠諫之路，言下之意即係叫直諫佢做得有幾衰，加上我地讀諸葛亮成日講先帝點點點，先帝點點點，會令到我地覺得佢好忠心，但係劉禪聽落去，可能心裏不是一回事。同學可以換位思考，就係當人成日話你老豆點點點，你老豆點點點既時候，你好心學下你老豆咁，其實劉禪心中一D都不好受。

所以，諸葛亮死後，以禮節問題不為諸葛亮立廟，係大臣後黎求情，先有為大臣立廟既舉動。再者，劉禪廢左丞相，諸葛亮後不立相，廢除丞相後，用蔣琬掌政，費禕掌軍，一文一武，互相制衡。但有人都認為咁係對諸葛亮能力的認可，同埋諸葛亮死後，出師表提到既大臣都被重用，咁就要睇下大家點睇依回事啦…